سفارش تبلیغ
صبا ویژن
[ و ابو جحیفه گوید از امیر المؤمنین ( ع ) شنیدم که مى‏گفت : ] نخست درجه از جهاد که از آن باز مى‏مانید ، جهاد با دستهاتان بود ، پس جهاد با زبان ، سپس جهاد با دلهاتان ، و آن که به دل کار نیکى را نستاید و کار زشت او را ناخوش نیاید ، طبیعتش دگرگون شود چنانکه پستى وى بلند شود و بلندیش سرنگون زشتیهایش آشکار و نیکوییهایش ناپدیدار . [نهج البلاغه]
لوگوی وبلاگ
 

آمار و اطلاعات

بازدید امروز :0
بازدید دیروز :21
کل بازدید :1063574
تعداد کل یاداشته ها : 113
103/1/10
1:38 ص

آیریلیق

فیکریندن گئجه لر یاتا بیلمیرم
بو فیکری باشیمدان آتا بیلمیرم
دئییرم چون سنه چاتا بیلمیرم


آیریلیق، آیریلیق، آمان آیریلیق
هر بیر دردن اولار یامان آیریلیق

اوزوندور هیجرینده قارا گئجه لر
بیلمیرم من گئدیم هارا گئجه لر
ووروبدور قلبیمه یارا گئجه لر


آیریلیق، آیریلیق، آمان آیریلیق
هر بیر دردن اولار یامان آیریلیق

یادیما دوشنده آلا گوزلرین
گویده اولدوزلاردان آلام خبرین
نئیله ییم کسیبدیر مندن نظرین


آیریلیق، آیریلیق، آمان آیریلیق
هر بیر دردن اولار یامان آیریلیق

آیریلیق دردینی چکمه ین بیلمز
یاردان آیری دوشن گوز یاشین سیلمز
دئییرلر اینتظار خسته سی اؤلمز


آیریلیق، آیریلیق، آمان آیریلیق
هر بیر دردن اولار یامان آیریلیق

نئجه کی ائلیمدن آیری دوشندن
سورار بیربیرینی گوروب بیلندن
حسرتله سیزلار یار داییم بو غمدن


آیریلیق، آیریلیق، آمان آیریلیق
هر بیر دردن اولار یامان آیریلیق

ایل لردی اوزاقام آرخام ائلیم دن
بلبلم دوشموشم آیری گولوم دن
جور ایله آییریب شیرین دیلیم دن


آیریلیق، آیریلیق، آمان آیریلیق
هر بیر دردن اولار یامان آیریلیق

اولوبدور بیگانه یاریم_ یولداشیم
غریبه ساییلیر سئوگیم – سیرداشیم
بوجاوان چاقیمدا آغاردیب باشیم


آیریلیق، آیریلیق، آمان آیریلیق
هر بیر دردن اولار یامان آیریلیق

منی آغلاداندان گولوش ایسته رم
آیری دوشنیمله گوروش ایسته رم
حصاری ییخماقا یوروش ایسته رم


آیریلیق، آیریلیق، آمان آیریلیق
هر بیر دردن اولار یامان آیریلیق

سئوگیلیک اولوبدور شانی فرهادین
سئوگی سی هاردادیر، هانی فرهادین
دییه ره ک چیخاجاق جانی فرهادین


آیریلیق، آیریلیق، آمان آیریلیق
هر بیر دردن اولار یامان آیریلیق


  
  

«تورکون دیلی»



تورکون دیلینه دادلی پتــــک بـال دئسـم آزدی
یوخ یوخ، بالی ســات گل بودیـلی آل دئسم آزدی


سن اوز دیلینی بنزه دیسن بـولبـــوله بنــــزد
من ده دیلیمه زیــروه ده قـارتال دئســـم آزدی


بیـر تازه گلین تک گوزه ل اولسـا دیلین اولسـون
من ده گلینه جـلوه وئره ن شـال دئســـم آزدی


سن اوز دیلینــه زلف دئنن خــط دئنــه من ده
آغ اوزده یــاتان دوزلـو قاراخال دئســـم آزدی


بــولای لایی ننیمــــده آنام چالمادا یاتــدیم
بولای لایی جــان وئرمه ده ده چـال دئسم آزدی


بودیل دیی بیر دادلی شیرین لیخـدی آغیـــزدا
هر لحـظه آغیزدان آغیزا ســـال دئســم آزدی



آی نــازلی دیلـیم «فانی» اولــورسام گئدرم من
من دن ســورا مین ایل باش اوجا قال دئسم آزدی






احمد احمدی
«فانی»

تبریز


  
  

سوروشما
-
یانان کؤنول گولومدن هئچ سوروشما
وفاسیز سئوگولومدن هئچ سوروشما
-
یانان کؤنول یاناق لاردان دانشما
اوتا بنزر دوداقلاردان دانشما
-
کؤنول سؤیله اوزونده نه گوروب سن
گؤرن لحظه وورولوبسان سئووب سن
-
اوزونده ایشیقا گونه چاتوب سان
قارانلیق لارداشین بیردن آتوب سان
-
قارا پارلاق گؤزو یادیمدا قالدی
اؤزو گئتدی باخیشی منله قالدی
-
سومر


  
  

فصل بهاری ایسته مرم،بؤلبؤل اولماسام
دیلداری نئیله رم،اگر اهل دل اولماسام

حسرت گؤزیله طرف گلستانه باخمارام
مشتاق رنگ و بوی گؤل و سؤنبؤل اولماسام

عمریمده گئتمه رم گؤل و گؤلزار سیرینه
بؤلبؤل میثالی،طالیبی حؤسن گؤل اولماسام

عنقای قاف عیزّت ایدیم،سیندی پرلریم
ایندی گینه اوچوب قاچارام بیسمل اولماسام

ایجاد صفحه سینده،غلط نؤقطه ام اگر
پابند زؤلف و خال و خط و کاکیل اولماسام

بیر کیمسه یه دئمه م الیمی دوت،کناره چک
گیرداب بحر هیجریده پا در گِل اولماسام

زنجیر ده گؤرؤب دئمه دیوانه آدیمه
قویمام بساط عشقه قدم،عاقیل اولماسام

صرّافلیق آدی غلط ِ محضدیر منه
صرّاف اولان نگاریله،گر یک دل اولماسام

 
صراف
تبریزی


  
  

خـــــــزریم

خزریم ،تاج سریم، گوز بصـریم،ائل دیلگی

داغلارین اشک تری ،اولکه مون آغلارببگی

اینجی مرواری دولو، ماوی بلــورین اتگی
عشوه وناز ائله مه اشکیمی نیسان ائله مه

سنی الله خــزریم کونلومو آلقان ائله مه

خزر اسدیر سحرون نازلی سرین یئل لرینی
مئشه تا شانه لسون باشدا یاشیــل تئللرینی

لاله لر اسدیرلر نازیک اولان بئــل لرینی
بلبلی قوی قانات آچسین گولی پشمان ائله مه
سنــی الله خــزریم کونلومو آلقان ائله مه

خــزریم سویله نه جور اجنبی گلدی وطنه؟
قیردی اصلانلاری رحم ائله مه دی پیروزنه
سویله قیرقین گونی ایٌام نه جور کئچدی سنه؟
آخی من سرداشویام سرٌوئی پنهان ائله مه
سنی الله خــزریم کونلومو آلقان ائله مه

گورمه دیم بوزلاناسان شاختاقیروباغلیاسان
دشمنه بوینون اگیب،سیل سیبیلین یاغلیاسان
خائینی،ناپاکی،ناجنسی قوناق ساخـلیاسان
آردیلا سن بویولوباشقا یول امکان ائله مه
سنی الله خــزریم کونلومو آلقان ائله مه

خزرای یوردوما ورمیش بوگونشلی حیاتـی

ای سووارمیش قیرآتی،تربیت اتمیش بوزآتی
نبی نی،حیدری،ستاری،ئگـــید آتروپاتی
یول وریب اوزگه لری بیزلره خاقان ائله مه
سنی الله خـــزریم کونلومو آلقان ائله مه

گون،سحرچیخدی دنیزدن ایشیقین ساچدی سوآ
نوئیــرا،آت هامارا،داش کته چول، کفتراوآ
لاله،رز،قیرمیزیگول،ال گوتوروب ائتدی دعا:
کسمه الله گونشـی یایلاقی ظلمان ائله مه
سنـی الله خـزریم کونلومو آلقان ائله مه

الینی ور الیمـه ،گزمه ک ائده ک ائل اوبانی
گوستریم یایلاقیمی قانلی اوره ک خان چوبانی
لنزی نی،دامبالات ی،مسکینی،گویچک روخانی
ســوزومو سالما یره،نازفراوان ائله مه
سنی الله خــزریم کونلومو آلقان ائله مه

بورا پژنـرکیمی اصلان ئگیدین یایلاغیدی
اوراقیرچم لی اوبا ائل دایاغی چیـرداغیدی
بیچه نک دیر بوراجیران لامارال اولاغیدی
الله هچ جیـرانی سن طعمه قافلان ائله مه
سنی الله خــزریم کونلومو آلقان ائله مه


96/12/3::: 10:31 ص
نظر()
  
  
<   <<   6   7   8   9   10   >>   >