او تاییدا قالیبدی
ازل گوندن اوره ییمین یاریسی .
خان آرازین اوتاییندا قالیبدی.
هونریمین موسیقیمین تانریسی.
خان آرازین او تاییتدا قالیبدی.
گولشه نیمین بنوشه سی لالاسی.
آنا دوغما وطنیمین بالاسی.
صداقتین محببتین قالاسی.
خان آرازین او تاییندا قالیبدی.
دده قورقود یادیگاری قوپوزو.
علسگرین تئللی سازی حاق سءوزو.
آل گونشی نورلو آیی اولدوزو.
خان آرازین او تاییندا قالیبدی.
حیاتیمین اوره ییمین نیازی.
عالیم موغاماتی گءوزل آوازی.
عدالت بایراقی عدالت سازی.
خان آرازین او تاییندا قالیبدی.
جئیران کیمین آزربایجان گءوزلی.
صابر آدلی شاعیر سءوزو مزه لی.
وورغونون قوشماسی واحد غزلی.
خان آرازین او تاییندا قالیبدی.
هابیل علی اوفون گءوزل کامانی.
بختیار تک حاققی بیلیب قانانی.
بهمن کیمین ائل اودونا یانانی.
خان آرازین او تاییندا قالیبدی.
کءونول کیمین اوخویانی بیله نی.
زلیم خان تک آغلار گءوزو سیله نی.
ائل قمینه آغلایانی اءوله نی.
خان آرازین اوتاییندا قالیبدی.
جاوانشیربن جاودانین امه گی.
بابکیمین قانا باتمیش بیله گی.
آیریلمازین بوتون آرزی دیله گی.
خان آرازین او تاییندا قالیبدی.
آیریلماز ??
آنام نازدی آنام سازدی
آنام قیشدا منه یازدی
آنام گولمز آنام آغلار
آنام دریا آنام داغلار
آنام بیر گول آنام سونبول
آنام نغمه آنام بولبول
آنام بیر یاخشی نعمتدی
آنام بیر بولّی ثروتدی
آنام معنای یاشاییش
آنام اسباب آساییش
آنام اولدی غمه یولداش
آنا گؤزوندن آخار یاش
آنام عشقه وِریب معنا
اولوپ بیردانه بیهمتا
آنام دامارداکی قانیم
آنامسیز من نئجه قالیم
آنام بیر گول آدی نرگیز
محبتدن دولی لبریز
آنام بیر سئویملی ماهنی
داها «بانو»اونا باغلی?
????
??آهسته گل آهسته گئت??
کؤنلوم یارادیر سئوگیلیم آهسته گل آهسته گئت
جیسمیم غم ایله باغلی دیر آهسته گل آهسته گئت
آیلاردی قلبیم خسته دیر زنجیر عشقه بسته دیر
کؤنلوم سنه وابسته دیر آهسته گل آهسته گئت
عشق آتشی بریان ائدیب غم کونلومو ویران ائدیب
هجرین منی گیریان ائدیب آهسته گل آهسته گئت
سنسیز یازیم قیش دیر منه دونیا بوتون هئشدیر منه
باغریم یانیر سؤنمز حله آهسته گل آهسته گئت
سن سن منیم دان اولدوزوم عشقیم سازیم یازقیم سؤزوم
سن سئوگی یه قوربان اؤزوم آهسته گل آهسته گئت
چوخ داندی سندن آیری یام گول چؤهره یین حیرانی یام
اؤز دردیمین گیریانی یام آهسته گل آهسته گئت
اولدو پریشان احوالیم یوخدور بو جیسمیمده حالیم
الدن گئدیر جیسمیم جانیم آهسته گل آهسته گئت
شوری له قلبیم ایزله ییر حسرتله گؤزلر گؤزله ییر
کؤنلومده هر آن اؤزله ییر آهسته گل آهسته گئت
گونلر گئچیر قاشماق دادیر یاش ایله نیب آخماقدادیر
عؤمروم ده قورتولماقدا دیر آهسته گل آهسته گئت
تورپاق قالانسا اوستومه کؤنلوم دولودور حوسنونه
گلسن ده قبریم اوستونه آهسته گل آهسته گئت
سن آغلاسان من آغلارام
سیل گوزندن آخان یاشی
سن آغلاسان من آغلارام
گوینر اوریمین باشی
سن آغلاسان من آغلارام
سن گولنده چمن گولر
قرنفیل یاسمن گولر
ائللر گولر ، وطن گولر
سن آغلاسان من آغلارام
گولوش دوداغین اوپنده
سوینجه دولارام منده
ایکی روحوخ بیر بدنده
سن آغلاسان من آغلارام
آیدیندیر آغلار گوزون، ایچینده کی اورک سوزون
قوی من دییم سوزون دوزون
سن آغلاسان من آغلارام
سن سن منیم آرخام ائلیم
سن سن اوتکه م شیرین دیلیم
سن اولماسان سینار بئلیم
سن آغلاسان من آغلارام
گول قوی بوتون دنیا گولسون
گول سوینسین صحرا گولسون
غمدن دولان شیدا گولسون
سن آغلاسان من آغلارام
گولوش دوداغین اوپنده
سوینجه دولارام منده
ایکی روحوخ بیر بدنده
سن آغلاسان من آغلارام
سن سن منیم آرخام ائلیم
سن سن اوتکه م شیرین دیلیم
سن اولماسان سینار بئلیم
ساقیا دولدور منی نئیچون کی دیلداریم گلیر
شاد و مسرور اولموشام جانیم گلیر یاریم گلیر
مست و مدهوش اولموشام عقلیم گئدیب میخانه یه
ایچمیشم من باده دن به به نه ناز داریم گلیر
بیر طرفده باده واردی بیر طرفده نازلی یار
من هورئیدیم یارین اول ساچین کی تیماریم گلیر
بیر چالایدیم ساز عشقی آغلایایدیم اونلا من
دور اوتور ائی اهل درد باخ گؤر نه غمخواریم گلیر
یاریله میخانه ده بیر اولدوق اوندا اولدوق هئچ
غم کدر قالدی اوتایدا یاره اشعاریم گلیر
جانیمی من یارا قاتدیم عشقی اولدو مقتدا
ائی طبیبیم هارداسان سن گل کی گفتاریم گلیر
ساقی یه مجلس منه بیر بوسه وئردی جامیله
جامی نوش اولدو منه باخدیم کی غم باریم گلیر
شاهیده قسمت بؤلوب ویرانه ده یئر سالمیسان
گنج پنهانیم منیم گنجه خریداریم گلیر
«شاهیدکریم»
