هی یازیب آغلارام یازیق آتامدان
خوش گؤنو گؤرمه دی گؤزون آچاندان
بیر عؤمور سیزلارام آتا غمیندن
شاکی ام فلکدن ،بیله زاماندان
نییه آیری سالدین منی اؤزوندن
هئچ دُویا بیلمه دیم گؤزل گؤزوندن
وئرسیدی الله هیم بیر نئچه فرصت
بیر کیتاب یازاردیم شیرین سؤزوندن
گؤزلورم بیر داها گئلیدین آتا
ای کاش یانماقیمی گؤریدین آتا
گؤزلریم کؤر اُولدی بس کی آغلادیم
کاش گلیب گؤزؤمؤ سیلیدین آتا
نه عجب رسمی وارگؤزل الله هین
بو یازیق بالادان آلدی پناهین
آغلایا آغلایا دئییم دردیمی
بو یانان اؤره یین ائشیت سن آهین
قدروی بیلمه دیم سن ساغ اُولاندا
گؤرمه دیم گؤزلرین یاشلا دُولاندا
گؤزوون قاداسین آلیم آی آتا
منده سُولدوم عؤمور گؤلون سُولاندا
„حسرتین„ ازبری نغمه سی سنسن
بو کؤر اُولموش گؤزون سؤرمه سی سنسن
نه وارکی دونیانین سنسیز قیمتی؟
یاشاییش قیمتی،نمره سی سنسن
??بهزاد بیات فرد„حسرت زنگانلی„??
عشقدن جانیمدا بیر پنهان مرض وار، ای حکیم
خلقه پنهان دردیم اظهار ائتمه، زنهار، ای حکیم!
وار بیر دردیم کی چوخ درماندان آرتیقدیر منه
قوی منی دردیم‌له درمان ائیله‌مه، وار، ای حکیم!
گر باسیب ال نبضیمه، تشخیص قیلسان دردیمی
آل امانت، قیلما هر بی‌درده اظهار، ای حکیم!
گل منیم تدبیر بیهوده‌مده سن بیر سعی قیل
کیم اولام بو درده آرتیقراق گرفتار، ای حکیم!
گؤر تنِ عریان ایله احوالیمی هیجران گؤنو،
وار ایمیش روزِ قیامت، قیلما انکار، ای حکیم!
چکمه‌یینجه چاره‌ی دردیمده زحمت بیلمه‌دین
کیم اولور درمانِ درد عشق دشوار، ای حکیم!
رنج چکمه صحّت اوچون، ال فضولی‌دن گؤتور
کیم قبول صحّت ائتمز بؤیله بیمار ای حکیم!
شاعر: ملامحمد فضولی
نه سازیم لا سوزوم نه سوزوم له سازیم
نه واریم نه یوخوم نه چوخوم نه آزیم
نه یازیم دا قیشیم نه قیشیم دا یازیم
نه یازان من اوچون کیم اوچون نه یازیم
نه آدین نه یادین نه یادیم دا آدیم
نه ائشیتدی سسیم نه دوشوندی دادیم
منی درده سالان نه گوروبدی شادیم
نه یازان من اوچون کیم اوچون نه یازیم
نه ساییر نه دانیر نه سوزوم او قانیر
نه گئلیب نه گورور بو جانیم نه یانیر
منی اوزگه بیلیب منی اوزگه سانیر
نه یازان من اوچون کیم اوچون نه یازیم
ظولمون کاساسی باشدان آشیب داشدی آمیزا
بونان بویانا ایشله ریمیز یاشدی آمیرزا
سن قیل ناماز ، توت اوروجو ائیله ثوابی
قوی کافر آپارسین آجی ویسکیله ، شرابی
ارباب لارا آللاه یارادیب جوجه کبابی
یوخسوللارین آرتیق یئدیگی آشدی آمیرزا
بونان بویانا ایشله ریمیز یاشدی آمیرزا
بازاریده دوکتورله ریمیز تاجیر اولوبدی
آل وئرده شهر قاضی لر ، ماهیر اولوبدی
بابا ایتگین بالالار خاریجی یه صادیر اولوبدی
قاضی له ریمیز اوباشا یولداشدی آمیزا
بونان بویانا ایشله ریمیز یاشدی آمیرزا
حق سوز دئمه کی دووله تیمیز شاکی دی یولداش
شوکر آللاها کی شورالاریمیز خاکی دی یولداش
بیر ایده سی ده بنگی دی ، تیریاکی دی یولداش
تیریاکی له رین نازلی گولو خاشخاشی دی آمیزا
بونان بویانا ایشله ریمیز یاشدی آمیرزا
کال قال گوزه لیم اولکه ده قانماق قاداغاندی
یات یورقانین آلتیندا اویانماق قاداغاندی
چوخ گه زمه نیگار ایله دولانماق قاداغاندی
اوز آروادینا او زاری اویناشدی آمیزا
بوندان بویانا ایشله ریمیز یاشدی آمیزا
یوخدو ایر ایراندا عدالت نه ایشین وار
بیر ایده ائدیر قتل و جینایت نه ایشین وار
دولت ائدیر خالقا خیانت نه ایشین وار
زینداندا اتین محرمی ماققاشدی آمیرزا
بوندان بویانا ایشله ریمیز یاشدی آمیزا
حق سوز بیزیم ایراندا افسانه اولوبدو
اینسان گئنه اینسانلیقا بیگانه اولوبدو
آیریلماز اوره گی بئله دیوانه اولوبدو
اف ائیله ایر قلمیم چاشدی آمیزا
بوندان بویانا ایشله ریمیز یاشدی آمیزا
عزیزیم ناتارازی
بوداشدی بو تارازی
کیشینین ائوین ییخار
آروادین ناتارازی
***
عزیزیم یوزده وار
اللی ده وار یوزده وار
اؤپمه‌لی توپوق گؤردوم
توپورمه‌لی اوزده وار.
***
دریادا چوخ بالیق وار
روزی وئرن خالیق وار
جوانلار ائولنمه‌ییر
دئییرلر باهالیق وار.
***
ایکی قاپی یان یانا
الیمه یاخدیم حنا
سنه سود وئرن آنا
اولا منه قاین آنا
***
آغاجدا یاریم آلما
قالیبدی یاریم آلما
آلیرسان جانیمی آل
الیمدن یاریم آلما
****
درنا گلیر بو باغا
قونور بوتاق بوتاغا
اؤلو اولسام دیریللم
یاریم گلسه بو باغا
*****
عزیزیم کیمی گوزلر
تار چالان کیمی گوزلر
قاشون کیمی قاش اولماز
گوزلرین کیمی گوزلر
***
بو داغدا مه‌لر گلر
داغلاری انر گلر
نامرده توش اولانین
باشینه نه‌لر گلر؟
***
بو داغدا اکدیم اکین
آلدیلر الیمده کین
هیچ کافر هیچ مسلمان
اولماسین منیم تکین
***
بیر قوش گلیر آغ داشدان
خبر ویریر قارداشدان
قارداش باجیدان دویسا
باجی دویماز قارداشدان
***
بو گلن اوزون بیلمز
دانشسا سوزون بیلمز
هر گلیب سو دولدوران
چشمه نین گوزون بیلمز
***
بوستانام تاغیم آغلار
غمدن یاپراغیم آغلار
ساغام اوزوم آغلارام
اولسم توپراغیم آغلار
