گلمیشم اوتاقینا ، اویادام سنی ،
قارا گیله ، اویادام سنی
نه گوز ل خلق ائیله ییب ، یارادان سنی ،
قارا گیله ، یارادان سنی
گوتوروب من قاچارام ، آرادان سنی ،
قارا گیله ، آرادان سنی
نه سنه قیز قحط دیر نه منه اوغلان ،
قارا گیله ، نه منه اوغلان
آغاج اولایدیم ، یولدا دورایدیم
سن گلن یولا ، قارا گیله ، کولگه سالایدیم
بو قدر سالدی منی ، حسرت ، آماندان آمانا
کونلوم آخیردا منیم ، دوشدی ، گوماندان گومانا
نئچه عالیم یازیب ، اؤز دردینی ، ایظهار ائیله دیم
عاشیقین دردی فقط دوشدی گوماندان گومانا
دردی غمدن ، قورتاریب دوشدی کونول هیجرانینا
ائیله به کی ایندی شیکایتیمی یاماندان یامانا
سنی گوردوکجه ، من آنجاق بئله دیل اؤتورم
بوشالار گویده بولودلار دولادان دولانا
نئچه یول وعده وئریب عهده وفا قیلمادی یار
بختیار قلبیم آخیب دوشدو تالاندان تالانا

بو شعری بوتون آللاهین یانینا گئدن آنالارا تقدیم ائدیرم

( آللاه روحلارین شاد ائیلسین )
-
سنی گؤرمه یه اؤلمک ایستیرم


اوشاقلیقا من دؤنمک ایستیرم یئنه آنامی اؤپمک ایستیرم

هر گون سحرلر داراق اَلیمده اُو ساچلارینی هؤرمک ایستیرم

تئل گوللرینی باشینا بیر بیر ساغا سولا من دوزمک ایستیرم

محبت لی او ناز قوجاغیندا بالیق تکین من اوزمک ایستیرم

یاپیش الیمدن گئداق دؤلاناق یالنیز سنیلن گزمک ایستیرم

منه دوموش توت قوی آغزیما سن سنین الیندن یئمک ایستیرم

منیم آغریما سن آغلاییردین گؤز یاشلارینی سیلمک ایستیرم

اوشاقلیقدا من دییه بیلمه دیم «سنی سئویرم» دئمک ایستیرم

گؤزلریم یولدا هاردا قالمیسان ؟ سنی آنا جان گؤرمک ایستیرم

سنسیز آی آنا گولمور ئورگیم تکجه سنینله گولمک ایستیرم

داریخیرام من غریب دونیادا سنین یانینا گلمک ایستیرم

آللاه شاهیددی آی گوزل آنا سنی گؤرمه یه اؤلمک ایستیرم

شاعیر : وحید شکرزاده
-

آیریلدیم

منه مجنون دئمه جانا ، کی من لیلا دان آیریلدیم

بئلی اینجه قاشی خنجر ، گؤزی شهلا دان آیریلدیم

گوزل نازلی سؤزی سازلی ، او آوازلی نیگاریم دان

شیرین دیللی ساچی تئللی ، مَلَک سیما دان آیریلدیم

دویونجا گؤرمه دیم هئچ من ، او گول روخساری آی آللاه

اینانمیر بو کونول کی بولبول شیدا دان آیریلدیم

گؤزومدن بیر آراز آخدی ، اُوت اولدی سینه می یاخدی

او گوندن کی دلی لر تک گول رعنا دان آیریلدیم

اولر ماهی دنیزدن گر بش اون دیقه اوزاق قالسا

نئجه دؤزسون بالیق کونلوم ، کی من دریا دان آیریلدیم

منیم بیردانه دونیام وار ، اودا سؤزسوز فقط سنسن

من ایندی بیر اولو جیسمم ، آخی دونیا دان آیریلدیم

شاعیر : وحید شکرزاده
-

ساقی نامه ‘دن
---
ساقی مدد ایت که درد مندم
غم سلسله سینه پای بندم
---
غم دردنه حام می دوادر
تدبیر غم ایلمک روادر
---
سندن نه عنایت اولسه واقع
فکر ایتمه که بنده اوله ضایع
---
بن بر صدفم سن ابر نسیان
ویر قطره وآل در غلطان
---
سنسین خورشید و بن سیه خاک
ویر آتش و آل جواهر پاک
---
رحم ایت که غریب و درد مندم
بی مونس ویارو مستمندم
---
اول بر نیجه همدم موافق
یعنی شعراء روز سابق
---
تدریجله گلدیلر جهانه
تعظیمله اولدیلر روانه
---
دوران اولاری معظم ایتدی
هر دوربرین مکرم ایتدی
-
فضولی

نمونه اشعار تورکی (تورکی خراسانی) فارسی مولانا:


دانی که من به عالم یالقیز سنی سئور من --- چون در برم نیایی اندر غمت اؤلر من

من یار باوفایم بر من جفا قیلورسان --- گر تو مرا نخواهی من خود سنی دیلر من

روی چو ماه داری من شاددل از آنم --- ازآن شکر لبانت بیر اؤپکنک دیلر من

تو همچو شیر مستی دانی قانیم ایچرسن --- من چون سگان کویت دنبال تو گزر من

فرمای غمزه ات را تا خون من بریزد --- ورنی سنین الیندن من یارغویا بارین من

هردم به خشم گویی بارغیل منیم قانیمدان --- من روی سخت کرده نزدیک تو دورورمن

روزی نشست خواهم یالقیز سنین یانیندا --- هم سن چاخیر ایچرسن هم من قوپوز چالارمن

روزی که من نبینم آن روی همچو ماهت --- جانا نشان کویت از هرکسی سورورمن

ماهی چو شمس تبریز غیبت نمود گفتند --- از دیگری بپرسید من سویله رم آرارمن