بازدید امروز :134
بازدید دیروز :12
کل بازدید :1067489
تعداد کل یاداشته ها : 113
103/9/2
7:46 ع
هئچ بیلمیرم نه ایش گلیب باشیما
ایتیرمیشم اؤزومده کى اؤزومو
فیکیر خیال چاشدیریبدى بئینیمى
دیسکینیرم دیلیم توتمور سوزومو،،،،
?????????
سارماشیق تک سارینمى شام بو ائله
آخیب قانیم قاریمیشام بو سئله
یانیب یانیب کول اولموشام ها بئله
اؤز کولومدو کور ائدیبدى گؤزومو،،،
?????????
آغلیم چیخیب باشدان داها کارى یوخ
سؤز کوته گین چوخ یئمشم داها چوخ
کؤیرک قلبى پارچالاییب دین اوخ
سونا چاتیب اؤره ک دکى دوزومو،،،،
?????????
آراز پارلاق اولدوز کیمى آخاردى
شیمشک ویران ایلدیریم تک شاخاردى
ظولم ائدنى یاندیراردى یاخاردى
سو چیله ییب سوندوردولر کوزومو،،،
اؤز کولومدو کور ائدیبدى گؤزومو،،،،
"آراز زنگانلى رضا دژبان"
لای لای دئمه ملت آییلیب دیر داهی یاتماز
اللشمه بئله هئچ کیم حیاتین سنه ساتماز
من مرد اوغولام بیل کی ؛ قانیم پاک و تمیز دیر
بیر کس او کثیف قانیوا اؤز قانینی قاتماز
بیهوده منه سویله مه! ال چک بو ائلیندن
غئیرتلی اولان طایفا- تیفاغین ائلین آتماز
من عاشقیم سئوگیلیمین عشقی یولوندا
بیر عشق بو عالمده منیم عشقیمه چاتماز
بو یولدا چیغیرما؛ اؤزوو زحمته سالما
بیر کس ده اگر یاتسا؛ سسین کالدیر اویاتماز
هر کیم کی سالار ملتینی درد و بلایه
گر معرفتی اولسا باشین بیرده اوجالتماز
ساغ کؤندومه کئچدیکده یئدین یاخشی اَلیمدن
دونیا بویو درمان اولا بو دردی ساغاتماز
من «اعتمادین»فکرینی بیر پایه ده گؤردوم
بو عشقدن اؤزگه،نه دئسن بئینینه باتماز
________________________________
تورک دونیاسی?ایلآی،یازین،هونر
درین سنین دایاز منیم
گویلر سنین یئرلر منیم
گوللر سنین تیکان منیم
دنیز سنین بولاق منیم
گونش سنین ظلمت منیم
درمان سنین دردلر منیم
داغلار سنین دومان منیم
تانری سنین شئنلیک سنین
هر نه سنین سنده منیم
«شاهید کریم»
الله
دیوان معجز شبستری، جلد اول، صفح? 115
بیر آز ایستر آییلا ملت ایران الله
دستی یورغانی چکر باشینا مُلّان الله
یاتدی نادان، قویوب سجدیه باشینی آخوند
دئدی: ای جسمیمه جان، دردیمه درمان الله
یارادیبسان منه یا رب نه حمل حیوانلار
مینمه سی، سورمه سی، یوک چاتماسی آسان الله
عقل وئرره م دییه وعد ائتدی بو بی عقله خدا
بیلمیرم نولدی سورا اولدی پشیمان الله
دییسن ائتمه نظر عارض خوبانه طرف
نیه بس خلق اولونوب بو گوزل انسان الله
یارادیبسان علفی تا ایده خوراک حیوان
خلق ایدیبسن گلی تا ایلیه انسان الله
گلشن حسنی ائدیب خار شریعت غارت
گورنه پیس حاله قالیب سیب زنخدان الله
کاش سنده اوشییدین بئله مخلوق کیمی
تا بیلیدین نه چکیر قیش گونی عریان الله
دمیرم بو لوته بیر دست لباس ایله عطا
ایکی آرشین شیله ویر ایلیه تومان الله
ویرمیسن بو آجا اوتوز ایکی دیش مثل صدف
اولماسا دن نیه لازم دی دگیرمان الله
گورسه نیر دایر? عصمتی بو عاجزه نین
گولمه ییم من نیجه ای خالق منان الله
کون حوایه باخیب گولدی تمام حوریلر
چون سویوندیردی اونی خازن رضوان الله
باغ رضواندان ئوتوردون ائشیگه تومانچاق
کاش آدم یمیییدی ایکی بوغدان الله
نه گنه صاحبیدی بو ایکی یاشیندا اوشاق
قارنی آج، پالتاری یوخ، آی سنه قوربان الله
بورکی یوخ، باشماغی یوخ، پیکری عریان بیکس
دولانیر کوچه و بازاری پریشان الله
سنی رزّاق بیلیب، اَکدی بونی بیچاره کیشی
بیلمدی آخر آجندان ویره جک جان الله
ای ویرن بیر صلواته ایکی مین قصر طلا
ایوین آباد اولا ای صاحب احسان الله
او عمارتلری سات توک فقرانین جیبینه
وئر او پولدان منه ده بیر ایکی تومان الله
ایکی بوغدان ییب آدم ایکی مین ایل اوّل
هله ده ایلیری رسوای اونی قرآن الله
ایسته ییردی بیری مسجدده خدادن یورغان
گوردوم آغلار، دییه ر: ای قادر منّان الله!
دیدیم آخماق کیشی گونده سنه بیر دانه لاواش
ویره بیلمز، نئجه ویرسین سنه یورغان الله
یا گرک قویمیاسان آدیوی رحمان رحیم
یا گرک ایلیه سن عدلیله دیوان الله
بالی خلق ایله میسن یوخسولی چاتداتماق ایچون
دوزدی بو سوز دیمیرم من سنه بهتان الله
اللی یاشیدی رحیمین یمه ییب بیر یول بال
ایلده یوز یول یه ییر اما حاجی رحمان الله
معجزین بار ستم قامتینی ایتدی کمان
ئولدیم آخر یره گلسین گوروم آرخان آلله
لبخندبزن: وقتی با خانواده ات دور هم جمع شده اید..
خیلی ها هستند آرزوی داشتن خانواده را دارند...!
لبخند بزن: وقتی داری سرکارت میروی..
خیلی ها هستند دربدر بدنبال کار وشغل هستند.
لبخندبزن: چون تو صحیح و سالم هستی..
خیلی ها هستند دارند بخاطر بازگشت سلامتی شان میلیونها خرج میکنند.
لبخندبزن: چون "تو"خودت هستی..
وخیلی ها آرزو دارند که چون"تو"باشند.