ائلینین یوردونون دردی غمینه
اورکدن یانانین قاداسین آلیم
صفاسی،وفاسی ویصال دمینه
جان وئره ن جانانین قاداسین آلیم

آتا نصیحتی آنا زحمتی
قارداش اعتیباری باجی عصمتی
ائله صداقتی دوستا حورمتی
ساخلیان اینسانین قاداسین آلیم

آزافلی معنا وار دونیا اوزونده
معنالار ایچینده اوزدوم درینده
یاخشی سی یئرینده پیسی یئرینده
حقیقت قانانین قاداسین آلیم.

رحمتلیک (آزافلی_میکائیل)