شاعر، ای کوتله لرین، اودلی دیلی
شاعر،ای ایشچیلرین، ناله سی، فریادی، سسی
شاعر، ای خلقیمیزین قاندا بوغولموش نفسی
کوتله لرچون، اوره گین عشق و محبت له دولی
دوشمنه قارشی، وجودینده، مقدس کینه
الده، کسگین قلمین
یاز، حرارتلی ، گوزل شعرلری
خلقین ایستکلرینی، ایله بیان
اونلارا ، وئر گیله شعریله، امید
کی قارانلیق گئجه،سوزسوز، گئده جاق
بو گوزل ئولکیه، گوندوز گله جاق
گون ،گینه نورینی بو شانلی دیاره،سپه جاق
قیش گئچیب، یاز گینه بوئولکه نی گول لندیره جاق
باغدا،بستاندا، گینه ،قیرمیزی گول لر آچاجاق
خلق،بیر گون گوله جاق
یارین بویون قوجاخلادیم یارآغلادی من آغلادیم
ییغشدی قونشولار بوتون جار آغلادی من آغلادیم
باشیندا قارلی داغلارا دانشدیم آیرلیق سوزون
بیر آه چکیب باشینداکی قار آغلادی من آغلادیم
طاریمدا نار آغاجلاری منی گوروب دانیشدیلار
بویومو زیتون اوشاخدی نار آغلادی من آغلادیم
ایله که اسدی بیر خزان تالاندی گوللیرم منیم
خبر چاتینجا بولبوله خار آغلادی من آغلادیم
اورک سوزون دئدیم تارا سیملر اولدی پارا پارا
یاواش یاواش سیزیلدادی تا آغلادی من آغلادیم
دئدیم کی حق منیم کی دیر باشیمی چکدیلر دارا
طنف سیخاندا بوینومو دار آغلادی من آغلادیم
جعفری یم بویوم بالا غم اورکده قالا قالا
یار جانمی آلا آلا یار آغلادی من آغلادیم
استاد هوشنگ جعفری دن بیر گوزل شعر
بیر ائلی بوراندا قاردا چکه جم
بیرائلی باهاردا واردا چکه جم
بیر شکیل چکه جم گوزگیله سینه
آرزیلار دوزوله سیل سیله سینه
بیر باهار سالاجام قیش چیله سینه
بیر لالا خونچاسین قاردا چکه جم
بیر داغی چکه جم دومان ایچینده
بیر یاخشی بیتره م یامان ایچینده
بیر حققی دوغرولدام گومان ایچینده
شاختادا بیر آغاج باردا چکه جم
بیر سئلی چکه جم سارا قوینوندا
بیر ائلی یاردیم سیز یارا قوینوندا
بیر دیلی دیلچک سیز داردا چکه جم
تیکیلی بیر آغیز چکه جم بوما
بیر درین باخیش کی فیکیره جوما
یوللایام شکیلین تهرانا قوما
بیر ائلین یوخلوقون واردا چکه جم
بیر ایشیق چکه جم اوزاقدان آتیب
بیر دنیز چکه جم دنیزه باتیب
بیر ائلی چکه جم مین ایلدی یاتیب
وارلیغین بیلمیره م هاردا چکه جم
نیله ییم دیل سیز بیر باش چکه نمیرم
ائلیمین گوزونده یاش چکه نمیرم
بو ائلین ماهنی سین تاردا چکه جم
ائلیمی باهاردا واردا چکه جم
