زاهدا من چکیرم بار ملامــــــــــــــــــــت ، سنه نه!
کونلوم ایستــــــــــر ائله یم ساقیه منتّ،سنه نه!
سن اگر صاحـــــــــــب اعجاز و کرم سن ،منه نه!
من گنهـــــــــــــکارم اگـــــــر طالب ذلّت ، سنه نه!
منه نه معبـــــــــد و محرابـــــــــــــدا کئچیر اوقاتین
قیلمیشام میـــــخانا کونجونده سکونت ،سنه نه!
آغزینی باغلا،یئمه ایچمه،اروج دوت منـــــــــه نه!
من اگر اولــــــــــــمامیشام اهل قناعت، سنه نه !
گئجه گوندوز باشینی تاپتا یئره ، هئی دور اوتور!
دئــــــــــــــییلم اهل تظاهر لی عبادت ، سنه نه!
سن هر ایل مکّه یه گئت یوز دفـــعه احرام باغلا!
افتخاریمــــــــــدی منیم خلقیمه خدمت ،سنه نه!
مین کلک ویر اچاسان بلکه بهشتین قاپی سین!
سن اولان یئرده یاپیــشماز منـــه جنّت، سنه نه !
التی دانگ باغ جنان حوری و قیلمان دا ســــنین!
راضیام هــــــر نه یا زیب اننیما قسمت، سنه نه!
سن گئت اوز فیکرینه قال ،منده بیلیم اوز عملیم
داور اللاه دیــــــــــر اگر روز قیامت ، سنه نه!
زندیقم ، باده پرستم ، یارادان یاخشی بیــــــلیر
آخر ای ظاهـــری خوش باطنی ظولمت، سنه نه!
(وجی) نی قویسالا گر قبرینه ، سن اوندا دانیش
من اگـــــــــــــــــــر طالب کفرم یا دیانت، سنه نه!
