سفارش تبلیغ
صبا ویژن
سزاوارترین مردم به کرم کسى است که کریمان بدو شناخته شوند . [نهج البلاغه]
لوگوی وبلاگ
 

آمار و اطلاعات

بازدید امروز :13
بازدید دیروز :21
کل بازدید :1063587
تعداد کل یاداشته ها : 113
103/1/10
4:57 ع

دوتموشام جان نقدین الده وصل جانان ایسترم
تشنه جان وئررم منای عشقده جان ایسترم

دم به دم ائیلر تجلا پرتو انوار ذات
اولمارام موسی کیمی بیر جلوه ایله محو مات
خضر تک بو عرصه ده آختارمارام آب حیات
تشنه ی وصلم کؤنؤل جامین دولو قان ایسترم

طشت دشت ایچره قیزیل قانیم آخار یحیی کیمی
کربلا میدانی دولموش قانیلن دریا کیمی
زینبیم اولسون پریشان خاطر لیلا کیمی
پای بند زلف اکبردیر پریشان ایسترم

طایر اوج وفایم،شهپریم تیر جفا
ائیلرم روز ازلده ائتدیگیم عهده وفا
بو لب عطشانیلن اوللام ذبیحاً من قفا
خنجر قاتل دمیندن آب حیوان ایسترم

گلشن جسمیم ده زخم تیر آچیلمیش گؤل کیمی
هر طرف پیکان دؤزؤلمؤش سینه مه سنبل کیمی
ایسترم گلسین سکینه م ناله یه بلبل کیمی
قتلگه گلزارینه مرغ خوش الحان ایسترم

مین بلایه مبتلا اولسام اگر ایّوب تک
ائیلرم صبر،ائتمرم شور و نوا یعقوب تک
دم به دم،ساعت به ساعت،عاشق مجذوب تک
بیر بلایه وئرمگه شوقیله مین جان ایسترم

کسب ائدیب مرآت دل نور محبّت لن جلا
اولموشام سر مست جام "البلاء ُ للولا"
بزم وحدتدیر منه بو سرزمین کربلا
ترک کثرت ائتمگه بیر نوک پیکان ایسترم

بیر طرفده کاکل اکبر بویانمیش قانیله
بیر طرفده اصغریم سیراب اولوب پیکانیله
بیر طرف،جان وئردی عبّاسیم لب عطشانیله
بیر طرف ئوز جیسمیمی خاکیله یکسان ایسترم

جلوه گاه محضرینده ائیلرم سعی و صفا
خیمگه میقات و مشعر،قتلگه کوه منا
ایستمم بیر اکبر و عبداللّهیم اولسون فدا
بو بلا دشتینده یئتمیش ایکی قربان ایسترم

شعله ی نار محبتله دولوب کانون دل
وادی حیرتده لیلا آختاریر مجنون دل
مجلسیم خلوت،گؤزؤم یاشلی،شرابیم خون دل
گئلمگه بو بزمه بیر تازه مسلمان ایسترم

بیر یئتیش فریادیمه ای پادشاه کم سپه
زورق جسمیم اولوب مستغرق بحر گنه
گر چه صرّافم،ذلیلم،روسیاهم خون شبه
عرصه ی محشرده سندن الده فرمان ایسترم

صراف تبریزی