سفارش تبلیغ
صبا ویژن
محبّت دنیا، خرد را تباه می کند و دل را ازشنیدن حکمت باز می دارد و کیفری دردناک می آورد . [امام علی علیه السلام]
لوگوی وبلاگ
 

آمار و اطلاعات

بازدید امروز :4
بازدید دیروز :21
کل بازدید :1063578
تعداد کل یاداشته ها : 113
103/1/10
10:10 ص



آذربایجان روحوم جانیم
دامارلاردا گزن قانیم
سهندیله ساوالانیم
آذربایجان- آذربایجان

لعل ومرجان داغی- داشی
خائین چیخان یار یولداشی
ایرانیمین دیل سیز باشی
آذربایجان- آذربایجان

قورتارمییان چولو گولدن
ظولمیله قیریلان بئلدن
قارداشلارین وئرن الدن
آذربایجان- آذربایجان

طلسمده قالیب ارکین
شام قازانین قیلدین ترکین
قازیلار گوی مچید کوکین
آذربایجان- آذربایجان

یادلار دئییر یالان سوزلر
کور اولسون پیس باخان گوزلر
عاقیل ایشین سونون گوزلر
آذربایجان- آذربایجان

هانی صابیر، هانی معجز
یارادسینلار سوزده معجز
ایستکلری یازسینلار دوز
آذربایجان- آذربایجان

هاردا قالیب ستارخانین
توپال تیمور تک اصلانین
کیم آلدی بابکین قانین
آذربایجان- آذربایجان

افراسیاب چنگیز هاردا
ائل اوبامیز قالیب داردا
چاغیر گلسینلر فریادا
آذربایجان- آذربایجان

قورولسون هر یئرده اوردو
قاچیرداق ایتیله قوردو
ازیلیری اودلار یوردو
آذربایجان- آذربایجان

گویده اویناسین شمشیرلر
باغیرسین شئر اورک شئرلر
ائله یئتسین شان خبرلر
آذربایجان- آذربایجان

آزادلیقین مارشین چالاق
تانرییا دوز بنده اولاق
وارلیغیمیزدان کام آلاق
آذربایجان- آذربایجان

هانی علی حکومتی
اصلاح ائده بو امتی
اجرا ائده عدالتی
آذربایجان- آذربایجان

عدالت له بیته ساواش
ائللر اولا بوتون قارداش
وطن اولا گول باشا باش
آذربایجان- آذربایجان

گولله وجهی بئجرده ک گول
چه- چه وورسون سونا بولبول
گول پای لییاق زنبیل- زنبیل
آذربایجان- آذربایجان

دونیا دیمز بیر قوروشا
کوسو قالانلار باریشا
اوتای بوتایا قاریشا
آذربایجان- آذربایجان

(نجار اوغلو) اول گولوموز
سئویب سئویله ائلیمیز
قول قاناد آچا دیلیمیز
آذربایجان- آذربایجان



نجاراوغلو